- 30 ఏప్రిల్ 2024 వరకు మాత్రమే అందుబాటులో ఉంటున్న స్పెషల్ ధరలు
- కాస్మోటిక్ అప్ డేట్స్ తో పాటు మెరుగైన ఫీచర్లతో వచ్చిన బ్లూ ఎడిషన్
కొత్త ఆర్ధిక సంవత్సరం ప్రారంభమవడంతో అన్నీ ఇతర కార్ల కంపెనీలు ఆయా కార్ల ధరలను పెంచుతుండగా, సిట్రోన్ కంపెనీ మాత్రం దాని పోర్ట్ ఫోలియోలో ఉన్న C3 మరియు C3 ఎయిర్ క్రాస్ ధరలను తగ్గించింది. సిట్రోన్ C3 కారు ధర రూ. 17,000 వరకు తగ్గడంతో, ప్రస్తుతం దీని ధర రూ. 5.99 లక్షలు (ఎక్స్-షోరూం) నుంచి ప్రారంభమైంది, అలాగే C3 ఎయిర్ క్రాస్ ధర భారీగా రూ. 1 లక్ష వరకు తగ్గడంతో, ఇప్పుడు దీని ధర రూ.8.99 లక్షలు (ఎక్స్-షోరూం) నుంచి ప్రారంభమైంది. ఇక్కడ గమనించాల్సిన అంశం ఏంటి అంటే, ఆయా మోడల్స్ లోని సెలెక్టెడ్ వేరియంట్లపై మాత్రమే ఈ స్పెషల్ ధరలు వర్తించనుండగా, ఈ నెలాఖరు వరకు మాత్రమే అమలులో ఉంటాయి.
వీటికి అదనంగా, కార్ మేకర్ C3 మరియు eC3 మోడళ్లలో బ్లూ ఎడిషన్ ని లాంచ్ చేసింది. ఈ స్పెషల్ ఎడిషన్స్ ఫీల్ మరియు షైన్ వేరియంట్లలో అందించబడుతుండగా, కొత్త కాస్మో బ్లూ ఎక్స్‌టీరియర్ కలర్ తో అందుబాటులోకి వచ్చాయి. ఇంటీరియర్ పరంగా లోపల చూస్తే, కొత్తగా ఇవి ఎయిర్ ప్యూరిఫైయర్, సిల్ ప్లేట్స్, ఇల్యూమినేటెడ్ కప్ హోల్డర్స్, కస్టమైజ్డ్ సీట్ కవర్స్, నెక్ రెస్ట్స్, మరియు స్మూత్ సీట్ బెల్ట్ కుషన్స్ తో వచ్చాయి.
ఈ సందర్భంగా సిట్రోన్ ఇండియా బ్రాండ్ డైరెక్టర్ శిశిర్ మిశ్రా మాట్లాడుతూ, “దేశంలో అతి తక్కువ కాలంలో అంచెలంచెలుగా ఎదుగుతూ ఇతర బ్రాండ్లతో ఒకటిగా పోటీ పడుతూ మా ప్రస్తుత మరియు కొత్త కస్టమర్లతో ఈ ఏప్రిల్ నెలను సెలెబ్రేట్ చేసుకోవాలనుకొని కోరుకుంటున్నాము. మా కస్టమర్లకు బెస్ట్ డ్రైవింగ్ ఎక్స్‌పీరియన్స్ మరియు బెస్ట్ ఫీలింగ్ ని అందించడానికి మేము కృషి చేస్తున్నాము. 2024 చివరి నాటికి నెట్‌వర్క్ ఎక్స్‌పాన్షన్ ప్రోగ్రామ్ (NEP) కింద 200 సేల్స్ మరియు సర్వీస్ టచ్‌పాయింట్‌లను ఏర్పాటు చేయాలనే లక్ష్యంతో మేము ఇండియాలో మా నెట్‌వర్క్‌ను విస్తరించనున్నాము.” అని పేర్కొన్నారు.
అనువాదించిన వారు: సంజయ్ కుమార్
